كورس الحناء

حماسكم في كورس الحناء مرررههه يجنن

 لما تكلمت عنه في السناب تشات تحمست معكم وكتبته في الانستقرام ولما شفت الحماس في الانستقرام قررت اكتب كل شي بالتفصيل واسوي معكم جدول العناية واشارككم ادق التفاصيل في المدونة

 الشي الحلو بالموضوع اني ببدا معكم بنفس الكورس وبعتمدة انا واخواتي ان شاءالله

-ايش هو كورس الحنا؟

 كورس لعلاج مدته شهرين.

 -مين يحتاج هذا الكورس؟ 

الكل يحتاج هذا الكورس مهما كان نوع شعرك الحنا بيخليك تحبين شعرك

-هل يكلف؟

 لا والف لا، الحنا رخيص بالنسبه لفوايدة

-متى يبين مفعولة؟

 يبين من اول اسبوع، بس طبعا النتايج اللي بعد شهرين افضل بالف مره من نتايج اول اسبوع

-لازم نستمر علية؟

 انا عني بعد مااخلص الكورس ماراح اقطعة نهائي، لو عالاقل يكون مره في الشهر بس المهم مااتركه

وبما ان الاجازه طويلة قلت اشارككم معكم الكورس ونستفيد بدل الفضاوة

وكل وحده مهما كان نوع شعرها تقرا التدوينة لأنها مههههممممه 🚢

بدايةً الكورس عبارة عن حناء وشوية زيوت🌬

شروط الكورس : 

اللي صابغة شعرها ترجعه اسود او بني غامق عشان ماتصير برتقالية

ثانياً نتجنب كل شي يعدم الشعر من صبغات - ومصادر حرارة "فير - استشوار وغيره" 

للعلم: الصبغة ماتصبغ على الشعر تماماً بعد استخدام الحناء الا بعد ٨ شهور.

ألحين نجي للمهم 

أيش فوائد الحناء؟ 

للأمانه لاتعد ولاتحصى بس بحاول اذكر لكم اهمها:

تكثف الشعر بشكل مو طبيعي يطلع بيبي هير "شعر جديد" .

الشعر يصير صحي وفيه لمعة تجنن.

يفرد الشعر الخشن وينعمة مع الاستمرار.

يمنع التساقط لانه يقوي الشعر والبصيلات والفروة من جوا.

ينظف الشعر وفروة الرأس "يشيل الروائح الكريهه ويشيل الدهون الزايدة" حتى بعد مرور يومين يبين شعري كأن توي متروشه يلق لق لمعة ونظافة.

طيب تدرون انه يعالج فروة الراس ويشيل القشرة؟ من أول مره تختفي القشرة والاوساخ من فروة الراس وبكذا تختفي الحكة تماماً.

الكورس عبارة عن شهرين متواصلة.

يوم او يومين في الاسبوع حنا على حسب مزاجكم، ومرتين او ثلاث زيوت.

لتكثيف الشعر اكثر نضيف للحنا سد ،والزيت المستخدم مره زيت خروع ومره زيت جوزالهند. 

اذا كان الشعر دهني وسايح تتاكد ان الحنا بيبن شعرها نظيييييف وكثيير

 الشعر التالف جدا نضيف للحناء عسل + بيض 

 انا بديت في الكورس وحالياً انا في الاسبوع الاول، النتايج كاني بادية من شهر ماشاءالله

شعري يلق يلمع وفيه صحه ويتحرك كل شعره لحالها من كثر مو نظيف وصحي

بالنسبة للحناء لو كان مغشوش بينشف الشعر ويعدمه وماتستفيدين شي

 زمان استخدمت حناء ندمت ندم عمري عليه شعري انعدم حسبي الله

 اللي استخدمه الحين اصلي ونظييفففف ماشاءالله

الزيوت فايدتها الترطيب وتحسين عمل الحنا

 للمعلوميه ان الحنا ينشف الشعر في اول استخدام لكن بعد الزيت يصير الشعر يجنن😩

الحين نجي للجدول :

سويت جدولين 

الاول يكون يوم واحد في الاسبوع حناء

اما الثاني يكون يومين في الاسبوع حناء 

بعد كل يوم تنجزون فيه ارسموا علامه في الخانة الفاضية

لو كنتوا مشغولين في يوم العناية عادي اجلوه لليوم اللي بعده، اهم شي ماتتركون اي جزء من هذا الكورس

اتمنى اني افدت الجميع 
وبعد شهرين بجي اكتب تجربتي بالتفصيل الممل