ماسك السدر والشاي الاخضر

ماسك لتصفية، نضارة، ونعومة البشره 

أدري يمكن تستغربون ان فيه ماسك يسوي كل هذا، بس من جد مو مبالغه ولا شي

أنا جربته وأخواني جربوه وكلنا حسينا بالفرق ، فرق من ناحية النعومة والنضارة والصفاء

الماسك يتكون من اشياء طبيعيه وكلها تفيد البشره بشي مختلف

١- سدر، فوائده (تنظيف البشره، إزالة حب الشباب، يشد البشره، نضارة البشره ونعومتها)

٢- شاي اخضر، فوائده(مضاد للأكسده، يزيل انتفاخات العين والوجة، يخفف الهالات السوداء، يزيل حب الشباب)

٣- زبادي، فوائده (نضارة البشرة، يخفف حب الشباب والرؤوس السوداء، يخفف التصبغات والهالات السوداء، يشد البشره على المدى البعيد)

٤-ماء الورد فوائده (صفاء البشره، نعومتها، ينظف البشره من البكتيريا والجراثيم)

٥-زيت فيتامين إي، فوائده(يرطب البشره، مكافح للشيخوخه، علاج البقع)

 فيه فوائد اكثر بس هذي الفوائد المهمة

ملعقة سدر مطحون

نص ملعقة شاي اخضر مطحون

ملعقة زبادي

نص ملعقة موية ورد

ملعقة صغيره زيت فيتامين إي

تنخلط سوا لحد ماتصير كثافتة الماسك مثل خليط الكيك، ينحط عالوجة والرقبه لمدة نص ساعة.

اللي لاحظته بعد الماسك: بشرتي صارت صافيه وناعمة بشكل واااضح، حسيت بنضاره، وجهي صار متورد والهالات مكانها تبعأ، الرؤوس السودا خفت، مو مثل الماسكات الباقيه ينشفون هذا مررهه يرطب

بإختصار الماسك يجنن اكثر ماسك حبيته لحد الحين (جربت ماسكات كثيييير) وهذا لحد الحين افضلها.

لفوائد اكثر بعد الماسك: غسلوا بصابونة الغار(الصابون الحلبي) عند العطار ، امسحوا بقطنه مبلوله بموية ورد، وحطوا زيت فيتامين إي تحت العين وعلى الشفايف، لو حابين ترطبوا وجهكم رطبوه بكريم ليبوبيز موجود بالصيدليات سعره ٤٠ ريال تقريبا

صورة لكريم ليبوبيز