Rimmel Match Perfection Foundation 

الفونديشن رقم واحد بالنسبه لي 

تغطيته متوسطه، يعني مايغطي كل شي الا اذا بنيتي الطبقه بطبقة ثانيه

اللي احبه فيه انه يندمج مع البشره  يصير هو والبشره واحد, لدرجة محد راح يلاحظ اني حاطه شي على وجهي

 كمان مايتأكسد ويتغير لونه بعد فتره 

يظل ثابت من ٤ الى ٥ ساعات بدون مااعيد عليه او احتاج اثبته بباودر

مره يعطي شكل صحي ومشرق 

اذا حسيت التغطيه خفيفه اقدر احط كميه اكبر بدون مايبين اوفر وانه في طبقات على وجهي

صرت استخدمه بطريقه ثانيه مره حبيتها، احط الفونديشن على فرشة كابوكي وبعدها ابخ بختين او ثلاث من الفكس بلس على الفونديشن اللي عالفرشة، وابدا اوزعه على وجهي، وبعد مااخلص اطبطب بالبيوتي بلندر عشان يدمج لي كل شي ويشيل الزايد، اللي بشرتها دهنيه او مختلطه تثبت بباودر ريميل من نفس المجموعه.

يناسب  البشرات الجافه والعاديه والمختلطه , او للي تحب الشكل الديوي النضر.

السعر 65 ريال تقريبا 

اماكن تواجدة سيتي ماكس - سنتربوينت - ردتاغ.

Rimmel Match Perfection Concealer&Highlighter

الكونسيلرهذا للتغطيه وللتنوير, رائع للإستخدام اليومي وينفع للبنات اللي بشرتهم عيوبها قليله لان التغطيه متوسطه الى خفيفه 

حلو لتنوير تحت العين, عيبه انه مافيه الا ثلاث درجات وافتح درجة م تعتبر مناسبه للتنوير خاصه للبنات اللي بشرتهم فاتحه 

السعر 33 ريال تقريبا

اماكن تواجده سيتي ماكس - سنتربوينت - ردتاغ