تحضير البشرة قبل المكياج

تحضير البشره للمكياج يعتمد على نوع بشرتك، بس انا حاولت قد مااقدر اجمع المنتجات والطرق اللي تناسب جميع انواع البشره، الخطوات مكتوبه بالترتيب 💗

اولاً - تنظيف البشره

أ- لو بشرتك تتقشر وفيها قشور تخرب لك مكياجك ، ضروري تستخدمين مقشر بغرض ازالة الجلد الميت واعادة النضاره والنعومه للبشرة، استخدمي المقشر قبل المكياج ب ٥ ساعات عالاقل ، من افضل المقشرات والسنفرات "كريم كاب" جداً لطيف عالبشره ومايجففها ، يزيل الجلد الميت بلطف، تلاقونه في نزيه ومحلات العطاره والعنايه ، المقشر مايستخدم بشكل يومي، مرتين بالاسبوع كفايه.

ب - استخدام الماسك لتنقية البشره ، انا استخدم ماسكات الطين لانها تمتص السموم من داخل البشره، تنمع تجمع الاوساخ والزيوت ، تمنع ظهور الحبوب والمشاكل اللي سببها تراكم الاوساخ، ماسكات الطين او اي نوع من الماسكات اللي تسبب جفاف البشره تستخدم مرتين بالاسبوع فقط، ماسكات الترطيب ممكن انها تستخدم كل يومين،افضل ماسك لترطيب البشره ونضارتها ماسك العسل الطبيعي ،و افضل ماسك لتصفية البشره هو ماسك الطين وهذي صورته تلاقونه في الصيدليات

ج - استخدام صابون او  غسول البشره ، بغرض الحفاظ على صفاء البشره وكمان عشان يكون المكياج نظيف، غسل الوجة يكون قبل المكياج بربع ساعه بالكثير، اختاروا الغسول اللي يناسبكم ، انا عني ماجربت بحياتي افضل من صابونة الغار"الصابون الحلبي" ينظف البشره ويصفيها وينقيها ويمنع الحبوب والزيوان وكل مشاكل البشره، احسه يجفف البشره نوعاً ما بس الكريم اللي بتكلم عنه في نقطة الترطيب تحل المشكله ، صابون الغار موجود عند العطارين وسعره رخييييصصص ٥ رس بس، لو سعره ١٠٠ اخذته من كثر مااحبه 💛 

ثانياً -استخدام التونر

استخدموا موية الورد على وجهكم بعد كل مره تغسلون فيها بشرتكم ، افضل تونر لصفاء ونضاره في اقل من اسبوع، وكمان يهيئ  البشره قبل المكياج 

ثالثاً - ترطيب البشره 

المنتج اللي بيكون منتج الترطيب يرطب منطقة العين ، الوجه ، والشفايف ماتحتاجين تجمعين اكثر من منتج ، الكريم تركيبتة جداً ثقيله بس تمتصها البشره بشكل جداً حلو، يرطب ترطيب عميييق،اللي عندها اكزيما او حساسيه بيكون مناسب لها، اللي مو عندها لازم يكون عندها لازم 

ولو شفايفكم جداً جافه وتتقشر استخدموا مرطب شفايف ، انا عني جداً احب مرطب ذي بودي شوب الوردي"فيتامين اي" لان تركيبته ثقيله وفيه حمايه من الشمس، وكمان مرطب بزلين ترطيبه كويس بس مو مره ثقيل

المواضيع الجايه بتكون عن العناية بالبشرة بعد المكياج وطريقة تنظيف البشره الصحيح.