اولًا - الفرش الاساسية للمبتدئات
الفرش اللي جمعتها اساسيه للمبتدئات وعددها ١٢ فرشة، ٦ منها للوجة، و٦ للعيون، كلها سعرها مناسب وجودتها حلوه، الفرش جامعتها من ريل تكنيك، كوستال ، ام دي ، و رويال
مو شرط الفرش اللي بتكلم عنها لازم تاخذون نفسها من نفس الماركة، انا بكتب عنها عشان تعرفون ايش الفرش الاساسيه وتاخذون شي مقارب لها ومقارب لمواصفاتها
١- فرش الوجة
- فرشة الفونديشن (فرش الفونديشن للدمج تكون كويسه لما تكون الفرشة ناعمة والشعر متقارب من بعض) كوستال
- فرشة الكونسيلر(مهم تكون نعومتها متوسطة و حركتها عالوجة سهله) كوستال
- فرشة الباودر (تكون كويسه لما تكون ناعمة والشعر طويل وكثيف) مااذكر من اي ماركة (عندي من زمان)
- فرشة الكونتور (تعددت فرش الكونتور بس انا احب استخدم الفرشة المائله واحسها اسهل في الاستخدام)
- فرشة البلشر (تعددت فرش البلشر لكن انا شخصيًا اكثر شي يهمني لما تكون ناعمه وحجمها متوسط)
الجهه اليمين للبلشر واليسار للكونتور، احب الفرشة هذي واحب جودتها - ام دي
- فرشة الهايلايت (كمان تعددت الفرش المستخدمة للهايلايتر، بس انا ارتاح اكثر مع الفرش اللي حجمها متوسط الى صغير وتكون الفرشه قصيرة من الاطراف وطويله من المنتصف)
الفرشة هذي للكونتور اساسا بس انا احبها للهايلايتر - ريل تكنيك
٢- فرش العين
- فرشة مائلة(مشطوفة) صغيره للايلاينر(لازم تكون الفرشة نحييفه والشعر قوي وقاسي عشان نضمن رسمة ايلاينر مرتبه، واستخدام الفرش القاسيه اسهل للايلاينر) - كوستال
- فرشة مائلة للحواجب (الشعر مايكون ناعم ولا قاسي ، الافضل تكون قساوتها وسط وحجمها وسط ولااازم تكون نحيفة عشان نقدر نرسم شعره شعره) - كوستال
- فرشة دمج صغيرة ( فرش الدمج تكون دائريه وشعرها كثيف وطولها غالبا وسط، فرشة الدمج الصغيره تكون لدمج الايشادو الدقيق والخطوط النحيفة، او لتحديد عظمة العين(قوس الجفن) كوستال
- فرشة دمج كبيرة (نستخدمها لدمج الايشادو او لوضع اللون الانتقالي ودمجة مع باقي الالوان على الجفن المتحرك، غالبا تكون شعراتها طويله وكثيفه، وتكون شعراتها بين القساوه والنعومة) رويال
- فرشة الشدو المدببه القصيره (تكون الفرشه مدببه قصيره والشعر كثيف والافضل لما تكون نعومة الشعر متوسطة، تستخدم هذي الفرشة لتحت العين ، او لمدج الشدو على خط الرمش العلوي والسفلي) - ام دي
- فرشة ظلال صغيره (اساسيه لاضاءة المدمع واضاءة تحت الحاجب، الشعر ناعم وطوله قصير الى متوسط تقريباً)
