العناية بالاظافر
الموضوع اللي وعدتكم فيه ومانزلتة بسرعة
بس للاسف كنت احتاج اصور في ضوء الشمس وماامداني الجامعة اخذت وقتي وصباحي😂😂
وبما ان اليوم جمعة قدرت الحق على ضوء الشمس
نبدأ موضوعنا:
الاظافر الطويلة تحتاج عناية واهتمام عشان تطول بشكل حلو وما تتكسر او تتقصف
في هذي التدوينة بتلاقون كل الطرق اللي تساعدكم في تطويل اظافركم والاهتمام فيها...
كل الطرق اللي بذكرها جربتها شخصياً وشفت منها مفعول فوري خلال ٥ دقايق او بالكثير ٣ ايام
حبوب الخميرة
هذا النوع هو اكثر نوع من حبوب الخميرة حسيت مفعولة واضح وقوي ويجنن
استخدمت قبل هذا النوع نوع ثاني، بس اللي في الصورة فضيييييععع
يقوي الاظافر بشكل مو طبيعي، خلال ٣ ايام شفت الفرق
طبيعة اظافري قوية وما تنكسر بسهولة، بس احيانا تضعف ولما استخدمت حبوب الخميرة ماتكسرت ولا مره ماشاءالله
حبوب الخميرة مو بس حلوة للاظافر، تجنن للشعر والبشره
ماابالغ اذا قلت انها افضل شي جربته لبشرتي، من بعد مااستخدمتها تحسنت بشرتي ٦٠٪ عن قبل
كمان شعري حسيت بفرق واضح، طال بشكل سريع، ساعدت شعري انه يقاوم التقصف، يبين بسرعه لما اهتم فيه، احسها تساعد في العنايه وتعطي العنايه مفعول سريع.
سعرها:٨٠ ريال
تلاقونها في الصيدليات.
زيت اللوز الحلو
زيت اللوز مرطب جيد للاظافر واليدين
يرطب بعمق ويمنع تكسر الاظافر اللي سببه الجفاف
بعد ما تمسحون المناكير بالاسيتون ولان الاسيتون مادة كيميائية حارقة ف طبيعي راح يضر الاظافر
والضرر هذا هو ان الاظافر تتكسر وتفقد لمعتها
الحل هو انكم ترطبون اظافركم بعد ماتزيلون المناكير بزيت طبيعي
انا افضل زيت اللوز الحلو لانه يرجع الترطيب واللمعة للاظافر واهم شي انه يغذي الاظافر من العمق
كريم يوكو لليدين
افضل كريم لليدين جربتة في حياتي، واتوقع ارخص كريم كمان يعني حلو من كل النواحي سواء السعر او الفايدة
الكريم يرطب ترطيب يجنن، ينعم اليدين، ويقوي الاظافر، وكمان يبيض اليدين
من مكونات الكريم البروتين، طبعا البروتين هي المادة الاساسيه في بناء الاظافر والشعر
عشان كذا اظافري مع هذا الكريم مستحيل تتكسر او تخرب
مبرد الاظافر
اكثر شي يضر الاظافر ويكسرها، مبرد الاظافر الحديد
الحديد صلب جدا ولانه قوي هذي القوه الاظافر ماراح تتحمل وبتنكسر او تضعف وتتقصف ويصير اي شي يكسرها
الحل هو المبرد الزجاجي او مبرد الكرتون (الورق المقوى)، المبرد الخشبي لانها تكون متوسطة الخشونه وماتضر الاظافر او تقصفها
المبرد الزجاجي تلاقونه في بوتس وهو الاغلى سعرا بين كل انواع المبارد، ٥٠ ريال تقريبا
المبرد الكرتوني والمبرد الخشبي متوفر في كل مكان تقريبا
